Lipoti o le Fa'atinoina mo le Iloiloga o le Privacy Impact 2023

National Disability Data Asset ma le Australian National Data Integration Infrastructure

O le National Disability Data Asset e aumaia faatasi fa'amatalaga e fa'atatau i tagata uma o Ausetalia. E fesoasoani lea ia matou ia malamalama atili atu ma ausia ai mana'oga o tagata e iai a'afiaga tumau i le soifua.

O le Australian National Data Integration Infrastructure o le polokalame fa'avae lea e fa'ataga ai ona matou feso'ota'i fa'amatalaga mo le National Disability Data Asset.

A Privacy Impact Assessment (PIA) sa fai mo le National Disability Data Asset i le 2023. Na fautuaina e le PIA auala e fa'atautai ai, fa'aititia pe aveese tulaga lamatia.

O le Matagaluega o Auaunaga Lautele, Australian Bureau of Statistics ma le Australian Institute of Health ma le Welfare o lo'o galulue fa'atasi i le National Disability Data Asset. Na matou tusia lenei ripoti e fa'amatala ai mea na matou faia ia ausia ai fautuaga a le PIA.

Ausia o fautuaga a le PIA

O le PIA na faia fautuaga e 6.

Na matou galulue ma pa'aga ma kulupu o pulega i fautuaga ta'itasi. E aofia ai le National Disability Data Asset Council (the Council) ma le Australian National Data Integration Infrastructure Board (the Board).

O le lima o fautuaga e 6 ua ma'ea nei. Fautuaga 1 toeititi ma'ea.

Fautuaga 1: Mataupu fa'avae mo le fa'aopopoina o seti o fa'amatalaga i le National Disability Data Asset mo le lumana'i

O le Fono o lo'o fa'aumaina ia le seti o mataupu fa'avae. O mataupu fa'avae e ta'ita'iina fa'ai'uga e fa'atatau i le tatau poo le lē tatau ona aofia seti o fa'amatalaga i le National Disability Data Asset.

O mataupu fa'avae o le a galulue fa'atasi ma le National Disability Data Asset Charter (the Charter). O le Charter e fa'amatalaina pe fa'apefea i le National Disability Data Asset ona fa'aaoga ma le lē fa'aaogaina. O lo'o aofia ai mataupu fa'avae ma tulafono.

E uma loa ona galue le Fono i mataupu fa'avae mo fa'aopopoina o seti o fa'amatalaga, o le a matou fa'asoaina loa i luga o le upega tafa'ilagi a le National Disability Data Asset. O le a matou faia lea mea i le afa muamua o le 2025.

Fautuaga 2: Aoina o fa'asilasilaga mo i latou e tu'uina mai fa'amatalaga

O i latou e tu'uina mai fa'amatalaga o lalā a le malō e latou te tu'uina atu fa'amatalaga i le National Disability Data Asset ma a latou polokalame fa'avae. Na matou tusia nisi upu e mafai e i latou e tu'uina mai fa'amatalaga ona fa'aaoga i a latou fa'asilasilaga tu'ufa'atasi e fa'atatau i le National Disability Data Asset. O i latou e tu'uina mai fa'amatalaga e tu'u atu ia fa'asilasilaga i tagata pe a latou fesili mo fa'amatalaga patino.

Na matou tu'uina atu upu na fautuaina i a i latou e tu'uina mai fa'amatalaga i le tau fa'ai'ui'u o le 2024. E mafai ona latou fa'afou pe fa'aopopo upu i a latou fa'asilasilaga i le aluga o taimi. O upu e aofia ai ma se so'otaga i le fa'amatalaga faaliloliloa i luga o le upega tafa'ilagi a le National Disability Data Asset.

Fautuaga 3: Fa'afoina o le lamatiaga o le toe fa'ailoaina o fa'amatalaga - iloiloga o fa'agasologa

Na matou atia'eina se auala e puipuia ai fa'asinomaga o tagata o lo'o iai a latou fa'amatalaga i le National Disability Data Asset. O le a matou iloiloina le ta'iala:

• pe fa'atasi i le tausaga
• pe afai ma te maua so'o se lamatiaga fou po'o suiga.

O le a mautinoa ai le matou fa'aaogaina o faiga sili ona lelei pe a puipuia fa'amatalaga ma vaai lamatiaga o le toe fa'ailoaina o fa'amatalaga. O le iloiloga o le a tilotilo i tekonolosi ma lamatiaga a'o sui i le lumana'i.

O le a matou fa'amae'aina le iloiloga muamua ia Iulai 2025.

Fautuaga 4: Fa'atautaia o le lamatiaga o le toe fa'ailoaina o fa'amatalaga - tulafono po'o a mea e tatau ona fa'asoa

Ia Aperila 2024, na matou atia'eina:

• se ta'iala e puipuia le fa'asinomaga o tagata o lo'o iai a latou fa'amatalaga i totonu o le National Disability Data Asset
• mauaina o fa'amatalaga, fa'aaogaina ma aiaiga o le fa'amatu'u atu.

O aiaiga o se seti o tulafono e saogalemu ai le teuina o fa'amatalaga i le National Disability Data Asset ma ana polokalama fa'avae. E aofia ai le fa'agasologa o le siaki o fa'ai'uga o su'esu'ega iloiloina ua sa'ole puipuia a'o le'i aveese ma le polokalama fa'avae.

Fautuaga 5: Puleaina o fa'amatalaga faaaogaina i auala faasolitulafono

Na matou atia'eina se Data Breach ma le Incident Response Plan ia Aperila 2024.

O lo'o fa'amatala ai:

• se auala e feagai ai ma le faaaogaina faasolitulafonoina o faamatalaga ma mea tutupu i le polokalama fa'avae
• mea e tatau ona fai e kulupu o pulega ta'itasi po'o fa'alapotopotoga ua aofia ai i le faaaoga o faamatalaga i auala faasolitulafono
• po'o ai e mana'omia ona matou logoina e uiga i ia auala faasolitulafono.

Na matou faia se fa'ata'ita'iga ia Oketopa 2024 e vaai pe mafai ona matou iloa ni auala lelei e tali atu ai i ia auala faasolitulafono. Na fesoasoani ia matou e fa'aleleia a matou fa'agasologa o le Data Breach ma le Incident Response Plan.

Fautuaga 6: Atia'eina o se fa'avae e tausisia

Ia Tesema 2024, na matou atia'eina ai se fa'avae e tausisia mo le National Disability Data Asset ma ana polokalama fa'avae. O lenei fa'avae o le a fesoasoani e iloilo ma ripoti po'o mulimuli uma i le maliega o fa'asoaina o fa'amatalaga.

A'oa'o atili

O le a matou galulue pea e puipui ma teu ia saogalemu fa'amatalaga a'o matou atia'eina le National Disability Data Asset.

Mo nisi fa'amatalaga atili i luga o le upega tafa'ialagi a le National Disability Data Asset.

E mafai fo'i ona imeli fesili i le ndda@abs.gov.au.